Mae’n bosibl trefnu ymweliadau gan ysgolion i Swtan yn ystod y tymor (tu allan i amseroedd agor i’r cyhoedd). Mae Cyfeillion Swtan yn barod iawn i gefnogi’r cwricwlwm cenedlaethol lle bo’n bosibl.

Yn Rhagfyr mae Swtan yn dathlu Nadolig yng nghyfnod 1900. Bydd addurniadau a bwyd traddodiadol yn cael eu harddangos a bydd cyfle i’r plant wneud crefftau a gwylio arddangosfa o deganau traddodiadol yn gweithio.

Hefyd gerllaw mae Porth Swtan sy’n draeth glân, diogel a thywodlyd gyda chlogwyni a phyllau glan môr ac ati. Mae mynediad ato’n dibynnu ar y llanw wrth gwrs.

Hefyd mae cyfle i weld a thrafod cimychiaid byw (a gedwir mewn tanc) drwy garedigrwydd y perchennog os bydd rhai yno.

Click here i anfon e-bost atom i gael mwy o wybodaeth ynglŷn â bwcio, prisiau ac ati

2011 - eto eleni bydd Swtan yn dathlu'r Nadolig yn null blwyddyn 1900 ac fe fuasem yn hoffi croesawu eich disgyblion.
Bydd yr Amgueddfa yn agored o ddydd Llun Tachwedd 28ain. hyd ddydd Gwener 9fed o Ragfyr.  Bydd un sesiwn y dydd, sef o 1.00 tan 2.30yp [amserau hyblyg]

Grwpiau rhwng 6 a 9 oed o ddim mwy na rhyw 20 i 25 o blant gaiff y budd mwyaf o'r profiad.

Nid yw Cyfeillion Swtan yn codi pris ar ysgolion am ymweliadau, ond fe fyddem yn gwerthfawrogi'n fawr unrhyw gyfraniad tuag at gostau ychwanegol yr amgueddfa.

Os oes gan eich ysgol ddiddordeb, a fyddech cystal a chysylltu efo Margaret Owen 01407 730 186 ne drwy e-bost [gweler tudalen  gysylltu]